Behdini Kurdish New Testament

مزگینیا مەرقۆسی 1:1-45

یوحەننایێ تافیركەر رێكێ ئامادە دكەت

(مەتتا 3‏:1‏-12؛ لوقا 3‏:1‏-18؛ یوحەننا 1‏:19‏-28)

1ئەڤەیە دەستپێكا مزگینیا عیسایێ مەسیحێ1‏:1 ل فەرهەنگۆكێ بنێڕە مەسیح. كوڕێ خودێ.

2هەروەكو د پەیاما ئیشایا پێغەمبەری دا هاتیە نڤیسین:

«ئەڤە ئەز دێ هنارتیێ خۆ ل پێشیا تە هنێرم،

ئەوێ دێ رێكا تە ئامادە كەت»1‏:2 مەلاخی 3‏:1

3«دەنگەك ل چۆلی گازی دكەت: ‹رێكێ بۆ خودانی ئامادە بكەن،

پەیادەڕێیان1‏:3 پەیادەڕێ: رێكێن مرۆڤ ب پێیان تێڕا دەرباز دبیت. بۆ هاتنا وی راست بكەن›»،1‏:3 ئیشایا 40‏:3

4وەسا یوحەننایێ تافیركەر ل چۆلی دیار بوو. ئەوی رادگەهاند كو خەلك ل خۆ بزڤڕن و بهێنە تافیركرن1‏:4 تافیركرن: ئانكو ژێرئاڤكرن كو نیشانە بۆ تۆبەكرنێ و پاقژبوونێ ژ گونەهان. ل فەرهەنگۆكێ بنێڕە. ، داكو ل گونەهێن وان بهێتە بورین. 5هەمی خەلكێ دەڤەرا یەهودیایێ و هەمی خەلكێ ئورشەلیمێ دەردكەفتن و بەرەڤ وی دچوون و دانپێدان ب گونەهێن خۆ دكر و ل سەر دەستێ وی د رویبارێ ئوردن دا دهاتنە تافیركرن. 6یوحەننای جلكەكێ ژ پویرتێ حێشتران ل بەر بوو و ناڤتەنگا خۆ ب قایشەكا كەڤلی گرێ ددا، كولی و هنگڤینێ چۆلی دخوارن. 7وی گازی دكر و دگۆت: «پشتی من دێ ئێكێ ژ من ب هێزتر هێت، ئەوێ ئەز هەژی هندێ نینم بچەمیێم و بەندكێ پێلاڤا وی ڤەكەم. 8من هوین ب ئاڤێ تافیر كرن، لێ ئەو دێ هەوە ب گیانێ پیرۆز1‏:8 گیانێ پیرۆز: ئانكو گیانێ خودێ. ل فەرهەنگۆكێ بنێڕە گیانێ پیرۆز تافیر كەت.»

یوحەننا عیسای تافیر دكەت

(مەتتا 3‏:13‏-17؛ لوقا 3‏:21‏-22)

9د وان رۆژان دا عیسا ژ ناسیرەیێ ل دەڤەرا جەلیل هات و ل سەر دەستێ یوحەننای د رویبارێ ئوردن دا هاتە تافیركرن. 10چەوا عیسا ژ ئاڤێ دەركەفت، دیت ئەسمان شەق بوو و گیانێ پیرۆز وەكو كووترەكێ هاتە خوار و ل سەر وی دادا 11و دەنگەك ژ ئەسمانان هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»

ئبلیس عیسای تاقی دكەت

(مەتتا 4‏:1‏-11؛ لوقا 4‏:1‏-13)

12ئێكسەر گیانێ پیرۆز عیسا دەرئێخستە چۆلی. 13چل رۆژان ل وێرێ ما و ژ لایێ ئبلیسی ڤە دهاتە تاقیكرن. د ناڤ دڕندان دا بوو و فریشتەیان خزمەتا وی دكر.

عیسا ل جەلیلێ دەست ب كارێ خۆ دكەت

(مەتتا 4‏:12‏-17؛ لوقا 4‏:14‏-15)

14پشتی یوحەننا هاتیە زیندانكرن، عیسا هاتە جەلیل و مزگینیا خودێ رادگەهاند 15و دگۆت: «دەم یێ ب دویماهی هاتی، پاشایەتیا خودێ یا نێزیك بووی. ل خۆ بزڤڕن و باوەریێ ب مزگینیێ بینن.»

عیسا شاگردێن ئێكەمین داخواز دكەت

(مەتتا 4‏:18‏-22؛ لوقا 5‏:1‏-11)

16دەمێ ئەو ل بەر كنارێ دەریاكا جەلیل بڕێڤە دچوو، وی شەمعون و برایێ وی ئەندراوس دیتن، یێ تۆڕێ دهاڤێژنە د دەریاكێ دا، چنكو ئەو ماسیگر بوون. 17عیسای گۆتە وان: «ب دویڤ من بكەڤن، دێ هەوە كەمە نێچیرڤانێن مرۆڤان1‏:17 ئانكو قاییلكرنا مرۆڤان كو ببنە شاگردێن مەسیحی.18ئینا د گاڤێ دا تۆڕێن خۆ هێلان و ب دویڤ وی كەفتن. 19پیچەكێ وێڤەتر چوو، یەعقوبێ كوڕێ زەبەدی و یوحەننایێ برایێ وی دیتن، ئەو د بەلەمێ دا بوون تۆڕ دروست دكرن. 20د ج‍‌ھ دا گازی وان كر، وان ژی بابێ خۆ زەبەدی ل گەل پالەیێن وی د بەلەمێ دا هێلان و ب دویڤ وی كەفتن.

دەرئێخستنا گیانەكێ پیس

(لوقا 4‏:31‏-37)

21چوونە كەفەرناحوم، رۆژا شەمبیێ عیسا چوو د كنیشتەیێ1‏:21 كنیشتە: جهێ پەرستنێ یێ جوهیانە. ل فەرهەنگۆكێ بنێڕە. ڤە و دەست ب فێركرنێ كر. 22ئەو خەلكێ ل وێرێ ژ فێركرنا وی حێبەتی بوون، چنكو وی وەكو مرۆڤەكێ خودان دەستهەلات ئەو فێر دكرن، نە وەكو مامۆستایێن دەستووری. 23د وی دەمی دا زەڵامەك ل كنیشتەیا وان هەبوو گیانەكێ پیس هنگافتبوو1‏:23 ئانكو ئەجنەیەك ل سەر وی زاڵ ببوو.، كرە قێڕی 24و گۆت: «تە چ ژ مە دڤێت، عیسایێ ناسیرەیی؟ تۆ هاتی مە ژ ناڤ ببەی؟ ئەز دزانم تۆ كی، تۆ پیرۆزێ خودێی!» 25عیسای ئەو پاشڤە بر و گۆتێ: «بێدەنگ بە و ژێ دەركەڤە!» 26گیانێ پیس زەڵام ئێخست و قێڕیەكا ب هێز راهێلا و ژێ دەركەفت. 27خەلك هەمی گوهشین و پرسیار ژ ئێكودوو كرن: «ئەڤە چیە؟ فێركرنەكا نویە یا ب دەستهەلاتداری ڤە دهێتە گۆتن! فەرمانێ ل گیانێن پیس ژی دكەت و ئەو ب فەرمانا وی دكەن!» 28ناڤودەنگێ عیسای د گاڤێ دا ل هەمی دەوروبەرێن جەلیل بەڵاڤ بوو.

ساخكرنا خەسیا شەمعونی و گەلەكێن دی

(مەتتا 8‏:14‏-17؛ لوقا 4‏:38‏-41)

29دەمێ ئەو ژ كنیشتەیێ دەركەفتین، ل گەل یەعقوبی و یوحەننای هاتنە مالا شەمعون و ئەندراوسی. 30خەسیا شەمعونی د ناڤ نڤینان دا یا تاوی بوو، وان ئێكسەر بەحسێ رەوشا وێ بۆ عیسای كر. 31بەرەڤ وێ چوو و دەستێ وێ گرت و راكر و تایێ بەردا و وێ دەست ب خزمەتا وان كر.

32ب شەڤ، پشتی رۆژ چوویە ئاڤا، هەمی مرۆڤێن نەساخ و ئەوێن ئەجنەیان هنگافتین ئینانە نك عیسای. 33خەلكێ باژێڕی هەمی ل بەر دەرگەهی خڕڤەبوون. 34گەلەك نەساخ ژ گەلەك جۆرێن نەساخیان چارەسەر كرن، گەلەك ئەجنە ژی دەرئێخستن و وی نەدهێلا ئەجنە بئاخڤن، چنكو وان دزانی ئەو كیە.

عیسا مزگینیێ ل جەلیل رادگەهینیت

(لوقا 4‏:42‏-44)

35سپێدەیا رۆژا پاشتر بەری ئەلندێ، عیسا رابوو و دەركەفت و قەستا جهەكێ ڤەدەر كر و ل وێرێ نڤێژ دكر. 36شەمعون و ئەوێن د گەل دا چوون و لێ گەڕیان، 37دەمێ وان ئەو دیتی گۆتنێ: «هەمی یێ داخوازا تە دكەن!» 38ئینا عیسای گۆتە وان: «وەرن دا بچینە گوندێن دەوروبەر، دا مزگینیێ ل وێرێ ژی رابگەهینم. چنكو ئەز یێ ژ بەر هندێ هاتیم.» 39ل هەمی دەڤەرا جەلیل دگەڕیا، مزگینی ل كنیشتەیێن وان رادگەهاند و ئەجنە دەردئێخستن.

ساخكرنا زەڵامەكێ گوڕی

(مەتتا 8‏:1‏-4؛ لوقا 5‏:12‏-16)

40زەڵامەكێ گوڕی1‏:40 گوڕی: ل فەرهەنگۆكێ بنێڕە. هاتە نك وی، هیڤی ژێ كرن و بەرامبەری وی چۆكڤەدان و گۆتێ: «ئەگەر تە بڤێت، تۆ دشێی من پاقژ بكەی.» 41دلێ عیسای پێ سۆت و دەستێ خۆ كرێ و گۆتێ: «من دڤێت، پاقژ ببە.» 42د گاڤێ دا گوڕیاتی لێ نەما و پاقژ بوو. 43عیسای د گاڤێ دا ئەو ب رێ ئێخست، پشتی ب توندی هۆشداریا وی كری 44و گۆتێ: «هشیار بە، چ تشتان بۆ چ كەسان نەبێژی! لێ هەڕە و خۆ نیشا كاهنی بدە و ئەوا مووسای فەرمان پێ دای ژ پێش پاقژبوونا خۆ ڤە پێشكێش بكە، وەك شاهدەیی بۆ وان.» 45لێ ئەو دەركەفت و دەست پێ كر ب ئاشكرایی دگۆت و سەرهاتیا خۆ بەڵاڤ دكر، تا ئێدی عیسا نەدشیا ب ئاشكرایی بچیتە چ باژێڕان، لێ ئەو دما ژ دەرڤە ل جهێن ڤەدەر. خەلك ژی ژ هەمی جهان هەر دهاتنە نك وی.