Behdini Kurdish New Testament

ئاشكراكرن 22:1-21

رویبارێ ئاڤا ژیانێ

1پشتی هنگی فریشتەی رویبارێ ئاڤا ژیانێ یێ شەوقدار وەكو كریستالی نیشا من دا، ژ تەختێ خودێ و بەرخی دەردكەفت 2و د ناڤ ناڤەندا جادەیا باژێڕی دا دبوری. ل هەردوو رەخێن رویباری، دارا ژیانێ هەبوو، دوازدە جۆرێن بەرهەمی ددا، هەر هەیڤێ بەرهەمەك. بەلگێن دارێ بۆ ساخبوونا مللەتان ژ نەساخیان بوو.22‏:2 دەستپێكرن 2‏:9؛ حزقیێل 47‏:12 3ئێدی تشتێ نفرین لێ كری ل وێرێ نابیت. تەختێ خودێ و بەرخی دێ د ناڤ باژێڕی دا بیت و بەنیێن وی دێ وی پەرێسن 4و دێ دێمێ وی بینن و ناڤێ وی دێ ل سەر ئەنیا وان بیت. 5ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.22‏:5 ئیشایا 60‏:19؛ دانیێل 7‏:18

عیسایێ مەسیح دێ زوی هێت

6پاشی فریشتەی گۆتە من: «ئەڤ پەیڤە جهێ باوەریێنە و راستن. خودانی، خودایێ سرۆشێ22‏:6 سرۆش: ب عەرەبی ‹وحي› ددەتە پێغەمبەران، فریشتەیێ خۆ هنارت داكو وان تشتان نیشا بەنیێن خۆ بدەت، یێن كو پێدڤیە زوی روی بدەن.»

7«ئەڤە ئەز دێ زوی هێم! خوزیكێن وی یێ پەیڤێن پەیاما ڤێ پەرتووكێ ب ج‍‌ھ دئینیت.»

8ئەز یوحەننامە، ئەوێ ئەڤ تشتە بهیستین و دیتین. دەمێ من بهیستی و دیتی، من خۆ هاڤێتە ئەردی، دا ل بەر پێیێن فریشتەیێ ئەڤ تشتە نیشا من داین، سوجدێ ببەم، 9لێ وی گۆتە من: «وە نەكە! ئەز بەنیمە ل گەل تە و برایێن تە یێن پێغەمبەر و ئەوێن پەیڤێن ڤێ پەرتووكێ ب ج‍‌ھ دئینن. سوجدێ بۆ خودێ ببە.» 10هەروەسا گۆتە من: «پەیڤێن پەیاما ڤێ پەرتووكێ ب موهرێ نەگرە، چنكو دەم یێ نێزیكە. 11ئەوێ خرابیێ دكەت، بلا هەر خرابیێ بكەت. یێ پیس ژی، بلا هەر یێ پیس بیت. یێ راستدار ژی، بلا هەر راستداریێ بكەت. یێ پیرۆز ژی، بلا هەر پیرۆز بمینیت.»

12«ئەڤە ئەز دێ زوی هێم. خەلاتێ من ل گەل منە، دا ل دویڤ كریارێن هەر ئێكی بدەمێ.22‏:12 ئیشایا 62‏:11؛ یەرمیا 17‏:10 13ئەز ئەلفا و ئۆمێگامە، یێ ئێكێ و یێ داویێ، دەستپێك و دویماهیك.»

14خوزیكێن وان یێن جلكێن خۆ دشوون، دا وان ماف هەبیت ژ دارا ژیانێ بخۆن و د دەرگەهان را بچنە د باژێڕی ڤە.22‏:14 دەستپێكرن 2‏:9 15سە و جادووگەر و دەهمەنپیس و مێركوژ و پووتپەرێس22‏:15 پووتپەرێس: صەنەمپەرێس و هەر ئێكێ حەز ژ درەوان دكەت و درەوان دكەت دێ ژ دەرڤە بن.

16«ئەز عیسامە، ئەوێ فریشتەیێ خۆ هنارتی، دا ئەز بۆ هەوە شاهدەییێ دەربارەی ڤان تشتان بۆ جڤاكێن باوەرداران بدەم. ئەز رە‍‌ھ و دویندەها داوودیمە، ستێرا سپێدێ یا گەشم.»22‏:16 سەرژمێری 24‏:17

17گیانێ پیرۆز و بویك22‏:17 بنێڕە 21‏:2 دبێژن: «وەرە!» و یێ دبهیسیت بلا بێژیت: «وەرە!» و یێ تێهنی بلا بهێت و یێ دڤێت بلا بێ بەرامبەر ئاڤا ژیانێ وەرگریت.22‏:17 ئیشایا 55‏:1

18ئەز شاهدەییێ بۆ هەر كەسەكێ كو پەیڤێن پەیاما ڤێ پەرتووكێ دبهیسیت ددەم: ئەگەر كەسەك تشتەكی ل سەر ڤان تشتان زێدە بكەت، خودێ دێ دربێن د ڤێ پەرتووكێ دا نڤیسای ل سەر وی زێدە كەت.22‏:18 گۆتارا مووسای 12‏:32 19هەروەسا ئەگەر كەسەك تشتەكی ژ پەیڤێن پەرتووكا ڤێ پەیامێ ژێ ببەت، خودێ دێ بەهرا وی ژ دارا ژیانێ و ژ باژێڕێ پیرۆز یێن نڤیسای د ڤێ پەرتووكێ دا ژێ بەت.

20ئەوێ شاهدەییێ بۆ ڤان تشتان ددەت، دبێژیت: «بەلێ، ئەز دێ زوی هێم.»

ئامین. وەرە، هەی خودان عیسا!

21كەرەما خودان عیسای ل سەر هەمیان بیت.