Behdini Kurdish New Testament

ئاشكراكرن 1:1-20

دەستپێك

1ئەڤە ئاشكراكرنا عیسایێ مەسیحە، ئەوا خودێ دایە وی، دا تشتێن كو پێدڤیە د دەمێ نێزیك دا روی بدەن نیشا بەنیێن خۆ بدەت. عیسای ژی فریشتەیێ خۆ هنارت دا بۆ بەنیێ وی یوحەننای بدەتە زانین. 2یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح. 3خوزیكێن وی یێ پەیڤێن ڤێ پەیامێ دخوینیت و خوزیكێن وان یێن دبهیسن و ئەوا تێدا هاتیە نڤیسین ب ج‍‌ھ دئینن، چنكو دەم یێ نێزیكە.

سڵاڤ بۆ حەفت جڤاكێن باوەرداران

4ژ یوحەننای، بۆ هەر حەفت جڤاكێن باوەرداران1‏:4 جڤاكا باوەرداران: ئانكو كەنیسە. ل فەرهەنگۆكێ بنێڕە جڤاك. یێن ل هەرێما ئاسیایێ: كەرەم و ئاشتی ل سەر هەوە بن، ژ وی یێ هەی و یێ هەبوو و یێ دێ هێت و ژ حەفت گیانێن ل پێشیا تەختێ وی1‏:4 دەركەفتن 3‏:14 5و ژ عیسایێ مەسیح، شاهدێ دلسۆز، نەخریێ ژ ناڤ مریان1‏:5 ئانكو ئەوێ ژ ناڤ مریان رابووی. و سەرۆكێ پاشایێن ئەردی.

ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین 6و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی1‏:6 مەبەست پێ عیسایێ مەسیحە. بن. ئامین.1‏:5‏-6 دەركەفتن 19‏:6

7ئەڤە ئەو یێ ل گەل عەوران دهێت،

هەمی چاڤ دێ وی بینن،

خۆ ئەوێن رم ل وی دای ژی.

هەمی هۆزێن جیهانێ ژ بەر وی دێ ب خەم كەڤن.

بەلێ. ئامین.1‏:7 دانیێل 7‏:13؛ مەتتا 24‏:30؛ 1 سالونیكی 4‏:17؛ یوحەننا 19‏:34؛ زەكەریا 12‏:10‏-14

8خودان خودێ دبێژیت: «ئەز ئەلفا و ئۆمێگامە1‏:8 ئەلفا و ئۆمێگا: یێ ئێكێ و یێ دویماهیێ. پیتێن ئێكێ و دویماهیێ یێن ئەلفەبێیا یونانینە.، ئەوێ هەی و ئەوێ هەبوو و ئەوێ دێ هێت، هێزدارێ هەر تشتی.»

ئێكێ وەكو كوڕێ مرۆڤ

9ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس. 10د رۆژا خودانی1‏:10 مەبەست پێ رۆژا ئێكشەمبێیە. دا، ئەز د گیانێ پیرۆز دا بووم1‏:10 ئانكو: ئەز ل بن كارتێكرنا گیانێ پیرۆز بووم.، ل پشت خۆ من دەنگەكێ بلند یێ وەكو دەنگێ بۆڕیزانێ بهیست، 11وی دگۆت: «تشتێ تۆ دبینی د پەرتووكەكێ دا بنڤیسە و بۆ هەر حەفت جڤاكان بهنێرە: بۆ ئەفەسۆسێ و بۆ سمیرنایێ1‏:11 سمیرنا: ناڤێ كەڤن یێ باژێڕێ ئیزمیرێ و بۆ پەرگامایێ و بۆ تیاتیرایێ و بۆ ساردیسێ و بۆ فیلادەلفیایێ و بۆ لاودیكیایێ.»

12ئەز ل پشت خۆ زڤڕیم، دا خودانێ وی دەنگی ببینم یێ ل گەل من دئاخفت. دەمێ ئەز زڤڕیم، من حەفت چرادانكێن زێڕین دیتن 13و د ناڤەڕاستا چرادانكان دا، ئێكێ وەكو كوڕێ مرۆڤ1‏:13 كوڕێ مرۆڤ: ل فەرهەنگۆكێ بنێڕە. بوو، جلكەكێ شۆڕ تا بەر پێیان ل بەر بوو و سینگێ وی ب قایشەكا زێڕین یێ پێچای بوو. 14پرچا سەرێ وی یا سپی بوو وەكو هریێ، یا سپی بوو وەكو بەفرێ. چاڤێن وی ژی وەكو گوڕیا ئاگری بوون.1‏:13‏-14 دانیێل 7‏:9، 13؛ 10‏:6 15پێیێن وی وەكو برۆنزێ تەیساندی بوون، هەروەكو ئەو برۆنز د ئێتوینێ دا هاتیە سۆركرن. دەنگێ وی ژی وەكو دەنگێ گەلەك ئاڤان بوو.1‏:15 حزقیێل 1‏:24 16د دەستێ وی یێ راستێ دا حەفت ستێر هەبوون و ژ دەڤێ وی شیرەكێ دوو دەڤ یێ تیژ دەردكەفت و دێمێ وی وەكو رۆژێ بوو، ئەوا ب هەمی هێزا خۆ شەوقێ ددەت.

17دەمێ من ئەو دیتی، ئەز وەكو ئێكێ مری كەفتمە بەر پێیێن وی. ئینا وی دەستێ خۆ یێ راستێ دانا سەر من و گۆت: «نەترسە، ئەزم یێ ئێكێ و یێ دویماهیێ1‏:17 ئیشایا 44‏:6 18و یێ زیندی. ئەز یێ مری بووم و ئەڤە ئەز بۆ هەتا هەتایێ یێ زیندیمە. كلیلێن مرنێ و یێن وارێ مریان1‏:18 وارێ مریان: ل فەرهەنگۆكێ بنێڕە. ل دەڤ منن. 19ئەڤجا ئەو تشتێن تە دیتین و ئەوێن نوكە هەین و ئەوێن ل بەرە پشتی ڤان چێببن، بنڤیسە. 20نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»